kis hal-e-be-ḳhudi men kinare ga.e the ham
jab zindagi ki samt utare ga.e the ham
ham par Thahar ga.i thi sar-e-bazm ik nigah
kis sadgi se haa.e pukare ga.e the ham
in nim-baz nargisi ankhon se puchhiye
us raat kis tarah se guzare ga.e the ham
dhoke se ham se paar kara.i ga.i thi raat
ik sub.h ki bisat pe maare ga.e the ham
is baar maut langh ke ja.enge shahr-e-ishq
is baar zindagi ke sahare ga.e the ham
Leave a Reply