Jawed Manzar
ḳhvahishon ka badan samundar hai
ruuh us ke yaqin ka maz.har hai
kabhi ḳhush ho gaya kabhi ghamgin
mera mausam to mere andar hai
bas vahi kyon pasand hai mujh ko
jo miri dastaras se bahar hai
koi bhi mutma.in nahin milta
aadmi ka yahi muqaddar hai
ek ho jis ka zahir-o-batin
sach to ye hai vo sab se behtar hai
apni hi zaat men hain sab mahsur
apna apna har ek ka ghar hai
Leave a Reply