Poet
ḳhvahish-e-qatl-e-am karne lage
apna jiina haram karne lage
manzilen duur hi rahin un se
jo musafir qayam karne lage
vo ye samjhe ki kuchh zarurat hai
ham unhen jab salam karne lage
in andheron ke hausle dekho
raushni zer-e-dam karne lage
ishq chhuTa to hosh men aa.e
ham bhi ab kam-dham karne lage
hosh uḌne lage hain ḳharon ke
phuul jab se kalam karne lage
zindagi ki salib TuuT ga.i
maut ka intizam karne lage
zindagi ke udaas dariya men
kuchh samundar qayam karne lage
ye hai me.araj-e-tishnagi ‘shakir’
chaḌhte dariya salam karne lage
Leave a Reply