junun-avar shab-e-mahtab thi pi ki tamanna men
ki bah kar rail men ashkon ke ham the sair-e-dariya men
hamari khaak par ahista thokar maar ai zalim
mabada shisha-e-dil tuut chubh jaave tire pa men
tumhare abla-paon ko jangal yaad karta hai
lahu har khaar se tapke hai ab lag dast-e-sauda men
ba-kaifiyyat tha az-bas raat mazkur us ki ankhon ka
bhari thi bu-e-nargis yak-qalam har jam-e-sahba men
ghubar-e-ah-e-tufan se chhupi hai khaak men basti
ye ‘uzlat’ shahr men tha ja raha nagah sahra men
Leave a Reply