Jo Bhi Jine Ke Silsile Kiye The

jo bhi jiine ke silsile kiye the

ham ne bas aap ke liye kiye the

tab kahin ja ke apni marzi ki

pahle apnon se mashvare kiye the

kabhi us ki nigah mayassar thi

kaise kaise mushahide kiye the

aql kuchh aur kar ke baiTh rahi

ishq ne aur faisle kiye the

baat ham ne suni hui suni thi

kaam us ne kiye hue kiye the

use bhi ek ḳhat likha gaya tha

apne aage bhi aa.ine kiye the

yahan kuchh bhi nahin hai mere liye

tu ne kya kya mubalghe kiye the

avval aane ka shauq tha lekin

kaam saare hi dusre kiye the

baḌi mushkil thi vo ghaḌi ‘javvad’

ham ne kab aise faisle kiye the