jaise dariya men guhar bolta hai
saat pardon men hunar bolta hai
teri ḳhamoshi se dahshat hai ayaan
teri avaz men Dar bolta hai
jaag auron ko jagane ke liye
bol jis tarah gajar bolta hai
dil ki dhaḌkan se larazta hai badan
apni vahshat men khanDar bolta hai
ye vahi sa.at-e-bedari hai
jab duaon men asar bolta hai
ho gaya rang-e-suḳhan se zahir
sher men ḳhun-e-jigar bolta hai
Leave a Reply