Jahan Hum Tumhaari Panahon Mein The

Ayaz Rasool Nazki

jahan ham tumhari panahon men the

vahan sabz saa.e bhi rahon men the

miyan dhuul ankhon men jhonki ga.i

ka.i log meri nigahon men the

vahi mohtasib hain unhen kya kahen

vo shamil hamare gunahon men the

zamana mire saath tab bhi na tha

magar tum mire ḳhair-ḳhvahon men the

kahin par to bijli giri hai ‘ayaz’

ka.i karvan ab bhi rahon men the