Poet
jaa.e ashiq ki bala hashr men kya rakkha hai
ek fitna tiri Thokar ka uTha rakkha hai
lutf-e-kaunain hai is men miri botal ki piyo
zahido chashma-e-tasnim men kya rakkha hai
mil hi jaata hai koi chheḌne vaala mujh ko
tum alag ho to mujhe dil ne sata rakkha hai
kal vo fitna bhi qayamat men qayamat hoga
jis ko aaj aap ne qadmon se laga rakkha hai
aa.e mayyat pe kis andaz se farmate hain
dam mire chheḌne ko us ne chura rakkha hai
dil uḌe jaate hain har fitna-e-avaz ke saath
baiTh kar pardon men ik hashr uTha rakkha hai
ḳhush rahoge jo piyo baada faqiri men ‘vasim’
mujh ko ik mast ne ye bhed bata rakkha hai
Leave a Reply