Tauseef Tabassum
is paar jahan-e-raftagan hai
ik dard ki raat darmiyan hai
ankhen hain ki rahguzar-e-sailab
aur dil hai ki Dubta makan hai
achchha hai ki sirf ishq kiije
ye umr to yuun bhi ra.egan hai
kis yaad ki chandni hai dil men
ik lahr si ḳhuun men ravan hai
yaad aaya vahan gire the aansu
ab sabza o gul jahan jahan hai
har lahza badal rahi hai duniya
ai husn-e-sabat tu kahan hai
dukh jhelo to ji kaḌa hi rakhna
dil hai to hisab-e-dostan hai
Leave a Reply