Abdur Rahim Nashtar
in kaali sadkon pa aksar dhyan aaya
mere man ka mail kahan tak phail gaya
dekh raha tha jaate jaate hasrat se
soch raha hoga main us ko rokunga
us ne chalte chalte lafzon ka zahrab
mere jazbon ki pyali men daal diya
us ghar ki divaren mujh se ruuth gaiin
jis ke andar ka har saaya mera tha
paan ke thele hotel logon ka jamghat
apne tanha hone ka ehsas bhi kya
Leave a Reply