hui hai ham men aur is gul men kya kya maar phulon ki
gale tak uTh ga.i gulzar men divar phulon ki
bahar aa.i hai gulshan ne qaba-e-sabz badli hai
javanan-e-chaman ke sar pe hai dastar phulon ki
chaman men aj-kal us zor se paani barasta hai
hui hai bulbulon par har taraf bauchhar phulon ki
bike hain kauḌiyon ke mol da.ava kar ke us gul se
ga.i hai aabru kya kya sar-e-bazar phulon ki
rasa.i ‘qadr’ ki kyuun kar na ho is bazm-e-rangin men
chaman men rakhte hain sohbat hamesha ḳhaar phulon ki
Leave a Reply