Poet
honge dil-o-jigar men nishan dekh lijiye
tir-e-nazar paḌe hain kahan dekh lijiye
bagh-e-jinan men lutf-e-aziyyat bhala kahan
duniya men sair-e-jaur-e-butan dekh lijiye
aa.hen nikal rahi hain dil-e-dard-nak se
fauj-e-gham-o-alam ka nishan dekh lijiye
parde hi se na aa.en vo bahar to phir unhen
kis tarah dekh liije kahan dekh lijiye
hindostan se chaliye su-e-karbala ‘nasim’
vaan chal ke sair-e-bagh-e-jinan dekh lijiye
Leave a Reply