Poet
hijr hai dil men ḳhaak uḌti hai
sadr-e-mahfil men ḳhaak uḌti hai
hai jo mah-e-siyam ai saaqi
kya hi mahfil men ḳhaak uḌti hai
vahi dil-juiyan hain ba.ad-e-fana
par mire dil men ḳhaak uḌti hai
vo jo aata nahin nahane ko
bahr-o-sahil men ḳhaak uḌti hai
tire jalve se nuur ke badle
mah-e-kamil men ḳhaak uḌti hai
jis ko tujh se ghubar hai ai ‘mehr’
us ki mahfil men ḳhaak uḌti hai
Leave a Reply