abid-wadood

Hath Mein Mahtab Ho Jaise

haath men mahtab ho jaise

khuli aankhon men khvab ho jaise

mere ham-sae men jo rahta hai

mujh sa khana-kharab ho jaise

chand nikla to is qarine se

ik hasin be-hijab ho jaise

ham-safar DhunDne ko nikla huun

mausam-e-intikhab ho jaise

yuun gunahon ki yaad aati hai

aaj yaum-e-hisab ho jaise

aankh muddat se tar nahin ‘abid’

khushk apna chanab ho jaise

More Poems

Leave a Comment