Har Naya moD Hai Jada Meri Manzil to Nahin

har nayā moḌ hai jaada mirī manzil to nahīñ

jo tamannā hai mire dil meñ vo hāsil to nahīñ

kis liye aap ko andesha-e-rusvā.ī hai

darmiyāñ aap ke mere koī haa.il to nahīñ

merī barbādī kā ehsās tujhe kaise huā

tere pahlū meñ mirā TuuTā huā dil to nahīñ

kis liye aap ko ye shauq-e-ḳhud-ārā.ī hai

aa.ina sāmne hai koī muqābil to nahīñ

aap kyoñ itne pareshān nazar aate haiñ

apnī mahfil hai kisī aur kī mahfil to nahīñ

ye vahī kahte haiñ mālūm nahīñ jin ko ‘razā’

ishq karnā bahut āsān hai mushkil to nahīñ

Leave a Comment