Gul Hua Ye Kis Ki Hasti Ka Charagh

gul hua ye kis ki hasti ka charagh

muddai ke ghar jala ghi ka charagh

khair se rahta hai raushan nam-e-nek

hashr tak jalta hai neki ka charagh

vo haqiqat hai dil-e-afsurda ki

timtimae jaise sardi ka charagh

ham se raushan hai tumhari bazm yuun

nagavara jaise garmi ka charagh

ho qanaat tujh ko to bas hai ‘zahir’

khana-arai ko damdi ka charagh

Leave a Comment