Sahir Dehlavi
goya zaban haal thi ‘sahir’ ḳhamosh tha
ye sa.i-e-zabt thi vo taqaza-e-josh josh tha
parde men lan-tarani thi rag rag men josh tha
chamki jo barq husn na main tha na hosh tha
mai-ḳhana-e-ḳhayal men masti ka josh tha
gul tha charagh-e-aql men gum-karda hosh tha
be-harf-o-saut tha mera nazara-o-kalam
raz-o-niyaz be-asar chashm-o-gosh tha
kaifiyaten hain kuchh mujhe josh-e-junun ki yaad
baiTha jo koi nish-e-rag-e-jan men nosh tha
tere qatil-e-ghamza ko tan tha vabal-e-jan
tere shahid-e-naz ko sarbar dosh tha
dil kan-e-ma.arifat ka tha ik jauhar-e-latif
go unsuri vajud men ye ḳhaak posh tha
kya mastiyan thiin shab nigah-e-mast-e-naz se
saaqi ba-ghamza bughcha-e-mai-farosh tha
miina ne gosh-e-jam men jhuk kar kaha ye raaz
haq haq-e-naved-e-vasl-o-payam-e-sarosh tha
kya kya thiin husn-o-ishq men baham isharaten
tha koi saḳht giir koi saḳht kosh tha
sarf-e-nazara chashm thi vaqf-e-kalam-e-gosh
dil jalva-mast aur lab-e-‘sahir’ ḳhamosh tha
Leave a Reply