gham-zada hain mubtala-e-dard hain nashad hain
ham kisi afsana-e-ghamnak ke afrad hain
gardish-e-aflak ke hathon bahut barbad hain
ham lab-e-ayyam par ik dukh bhari fariyad hain
hafize par ishraton ke naqsh baaqi hain abhi
tu ne jo sadme sahe ai dil tujhe bhi yaad hain
raat bhar kahte hain taare dil se rudad-e-shabab
in ko meri vo shabab-afroz raten yaad hain
aḳhtar’-e-na-shad ki parchhain se bachte rahen
jo zamane men shagufta-ḳhatir o dil-e-shad hain
Leave a Reply