gar dua bhi koi chiiz hai to dua ke havale kiya
ja tujhe aaj se ham ne apne ḳhuda ke havale kiya
ek muddat hui ham ne duniya ki har ek zid chhoḌ di
ek muddat hui ham ne dil ko vafa ke havale kiya
is tarah ham ne teri mohabbat zamane ke hathon men di
jis tarah gul ne ḳhushbu ko bad-e-saba ke havale kiya
bebasi si ajab zindagi men ik aisi bhi aa.i ki jab
ham ne chup-chap hathon ko rasm-e-hina ke havale kiya
ḳhuun ne teri yaden sulagti hui raat ko saunp diin
ansuon ne tira dard rukhi hava ke havale kiya
Leave a Reply