fasl-e-rasan-o-dar men aa ham ne suna hai
paigham tira zulf-e-rasa ham ne suna hai
rangin nazar aate hain tire kucha-o-bazar
guzra hai koi abla-pa ham ne suna hai
kya baat hai us kucha-e-dildar ki yaaro
phirti hai ka.i din se saba ham ne suna hai
dekhi hai tire ariz-e-gul-rang men bijli
kahte tiri zulfon ko ghaTa ham ne suna hai
ye rang ye ḳhushbu ye chamakti hui rahen
TuuTa hai koi band-e-qaba ham ne suna hai
‘dilkash’ jo kahen bhi to kahen kis se gham-e-dil
apna to sanam hai na ḳhuda ham ne suna hai
Leave a Reply