Poet
fasl-e-gul men bhi tahi kyon na ho daman apna
baghban apna faza apni na gulshan apna
jurm-e-na-shukr-guzari ki saza kuchh to mile
apne hathon se luTaya tha nasheman apna
barq-bari hi sahi jashn-e-charaghan na sahi
ek lamhe ke liye ghar to ho raushan apna
ab to avaz-e-tanaffus pe ye hota hai guman
jaise main marsiyan-ḳhvan huun sarmad-e-fan apna
karun kis dil se baharon ki tamanna ‘at.har’
main to phulon se jala baiTha huun daman apna
Leave a Reply