Poet
ek paikar hai ki imsal men aata hi nahin
jaise a.ina ḳhad-o-ḳhal men aata hi nahin
asman ka ye qafas qaid kare bhi kaise
dil vo panchhi ki par-o-bal men aata hi nahin
ham jise dekhte hain us ke alava bhi hai
ik zamana jo mah-o-sal men aata hi nahin
apne rahne ko bhi kiya shahr mila hai jis ka
haal ye hai ki kisi haal men aata hi nahin
manta kab hai kisi sud-o-ziyan ko ye dil
aisa vahshi hai kisi chaal men aata hi nahin
Leave a Reply