Kaifi Azmi
ab tum aghosh-e-tasavvur men bhi aaya na karo
mujh se bikhre hue gesu nahin dekhe jaate
surkh ankhon ki qasam kanpti palkon ki qasam
thartharate hue aansu nahin dekhe jaate
ab tum aghosh-e-tasavvur men bhi aaya na karo
chhut jaane do jo daman-e-vafa chhut gaya
kyuun ye laghzida-khirami pe pashiman-nazari
tum ne toda to nahin rishta-e-dil tuut gaya
ab tum aghosh-e-tasavvur men bhi aaya na karo
meri aahon se ye rukhsar na kumhla jaaen
dhundti hogi tumhen ras men nahai hui raat
jaao kaliyan na kahin sej ki murjha jaaen
Leave a Reply