ehsas to mujhi pe kar rahi hai
chhukar jo hava guzar rahi hai
jis ne mujhe shakh par na chaha
khushbu miri us ke ghar rahi hai
be-samti-e-ashk ki nadamat
is baar bhi ham-safar rahi hai
thahra hai vo jab se rahguzar men
mitti miri raqs kar rahi hai
chupke se ghadi ghadi musafirat ki
dahliz pe paanv dhar rahi hai
taare bhi nazar na aaen ghar men
aankh aisi ghadi se dar rahi hai
tuuta hua aks le ke ladki
aine men phir sanvar rahi hai
Leave a Reply