duur ho dard-e-dil ye aur dard-e-jigar kisi tarah
aaj to ham-nashin use la mire ghar kisi tarah
tir-e-mizha ho yaar ka aur nishana dil mira
tiir pe tiir ta-ba-kai kiije hazar kisi tarah
naala ho ya ki aah ho shaam ho ya pagah ho
dil men buton ke haae haae kiije asar kisi tarah
aai shab-e-firaq hai raat hai sakht ye bahut
kiije shumar-e-akhtaran ta ho sahar kisi tarah
ishq men dil se ham hue mahv tumhare ai buto
khali hain chashm-o-dil karo in men guzar kisi tarah