dimagh-o-dida-o-dil bar-sar-e-paikar hote hain
mohabbat ki kahani men ka.i kirdar hote hain
ye duniya bagh-e-zeba hai magar chashm-e-tamasha men
sar-e-shaḳh-e-tamanna phuul bhi do-char hote hain
kisi se ishq ho jaane ko afsana nahin kahte
ki afsane mata-e-kucha-o-bazar hote hain
ḳhayalon men kahin naghma kahin ghuncha kahin sahba
dam-e-nazzara ye nazuk badan talvar hote hain
kisi pur-pech rasm-e-dosti ka ma-hasal ye hai
ghanere jangalon ke raste hamvar hote hain
safa.i se kaho jo kuchh kaho kyuun zaḳhm dhote ho
masiha kah ke ham qatil ke janib-dar hote hain
Leave a Reply