agha-shayar-qazalbash

Dil Sard Ho Gaya Hai Tabiat Bujhi Hui

dil sard ho gaya hai tabiat bujhi hui

ab kya hai vo utar gai naddi chadhi hui

tum jaan de ke lete ho ye bhi nai hui

lete nahin sakhi to koi chiiz di hui

is tuute phute dil ko na chhedo pare hato

kya kar rahe ho aag hai is men dabi hui

lo ham bataen ghuncha-o-gul men hai farq kya

ik baat hai kahi hui ik be-kahi hui

khun-rez jis qadar hain vo rahte hain sar-nigun

khanjar hua katar hui ya chhuri hui

‘shair’ khuda ke vaste tauba ka kya qusur

hai kis ke munh se phir ye subuhi lagi hui

More Poems

Leave a Comment