Poet
dil phaḌak ja.ega vo shoḳh jo ḳhandan hoga
apne ḳhirman ko na is barq se nuqsan hoga
sub.h-e-mahshar ka agar chaak gareban hoga
mere matam men sar-e-hur bhi uryan hoga
munkir-e-sajda-e-adam ko pashemani hai
vo na samjha tha ki ye rutba-e-insan hoga
ḳhaak suljhegi tiri zulf miri janib se
kaun juz bad-e-saba silsila-e-jumban hoga
husn ke rashk se ho ja.enge gul zard o safed
aur hi alam-e-gul-ha-e-gulistan hoga
chashm-e-kafir se tire honge musalman kafir
ḳham-e-abru se sanam gabr musalman hoga
jab ‘shu.ur’ us se kaha zaḳhm-e-jigar kaari hai
kaj-ada.i se vo yuun kahne laga haan hoga
Leave a Reply