dil pe jab dard ki uftad padi hoti hai
dosto vo to qayamat ki ghadi hoti hai
jis taraf jaaen jahan jaaen bhari duniya men
rasta roke tiri yaad khadi hoti hai
jis ne mar mar ke guzari ho ye us se puchho
hijr ki raat bhala kitni kadi hoti hai
hanste honton se bhi jhadte hain fasane gham ke
khushk ankhon men bhi savan ki jhadi hoti hai
jab koi shakhs kahin zikr-e-vafa karta hai
dil ko ai dosto taklif badi hoti hai
is tarah baithe hain vo aaj miri mahfil men
jis tarah shishe men tasvir jadi hoti hai
Leave a Reply