rehana-roohi

Dil Ko Rah Rah Ke Ye Andeshe Darane Lag Jaen

dil ko rah rah ke ye andeshe Darane lag jaaen

vapsi men use mumkin hai zamane lag jaaen

so nahin paaen to sone ki duaen mangen

niind aane lage to khud ko jagane lag jaaen

us ko Dhunden use ik baat batane ke liye

jab vo mil jaae to vo baat chhupane lag jaaen

har december isi vahshat men guzara ki kahin

phir se ankhon men tire khvab na aane lag jaaen

itni takhir se mat mil ki hamen sabr aa jaae

aur phir ham bhi nazar tujh se churane lag jaaen

jiit jaengi havaen ye khabar hote hue

tez andhi men charaghon ko jalane lag jaaen

tum mire shahr men aae to mujhe aisa laga

juun tahi-damanon ke haath khazane lag jaaen

More Poems

Leave a Comment