Mushaf Iqbal Tausifi
dekho koi ḳhvab din Dhale ka
dariya ke is aḳhiri sire ka
zahir men the pur-tapak lamhe
mausam tha vo rishte TuTne ka
kaghaz pe sulagte kuchh sitare
maktub sa koi shab Dhale ka
qurbat ki chhaTi jo dhund dekha
raushan tha charagh fasle ka
har aankh men DhunDhta huun ḳhud ko
main nuur huun bujhte ratjage ka
Tahni se gira do barg-e-larzan
imkan hai taaza sanehe ka
Leave a Reply