dekh lo ik nazar men kuchh bhi nahin
sach kaha hai bashar men kuchh bhi nahin
shaikh kuchh apne-ap ko samjhen
mai-kashon ki nazar men kuchh bhi nahin
kuchh na hone pe ho tumhin sab kuchh
tum nahin ho to ghar men kuchh bhi nahin
kya samajhta hai aap ko ai dil
tu kisi ki nazar men kuchh bhi nahin
ai ‘sharaf’ sach hai misra-e-‘misbah’
ham to apni nazar men kuchh bhi nahin
Leave a Reply