dariya nazar na aa.e na sahra dikha.i de
josh-e-junun ho jis ko use kya dikha.i de
main aa gaya kahan ki ye hasrat nazar ko hai
ai kaash is jagah koi apna dikha.i de
ḳhandan-jabin labon pe hansi pur-ḳhulus dil
daur-e-tarab men koi to aisa dikha.i de
ḳhvahan hain vo ki saara zamana ho un ke saath
auron ko chahte hain ki tanha dikha.i de
‘aḳhtar’ ko dekhte nahin achchhi nazar se aap
phir bhi ye chahte hain ki achchha dikha.i de
Leave a Reply