Wali Alam Shaheen
daar ki chhanv men guzri kabhi zindan men kaTi
umr apni yunhi takmil-e-baharan men kaTi
baat us zulf-e-pareshan ki chali thi ik raat
phir to har raat miri ḳhvab-e-pareshan men kaTi
shaḳh-dar-shaḳh jale aur nasheman ke charagh
jab koi shaḳh nasheman ki gulistan men kaTi
naqd-e-jan de ke bhi chuk paa.i na qimat us ki
ek saa.at jo kabhi halqa-e-ḳhuban men kaTi
phuul ankhon men saja.e hue aaya koi
ḳhair-maqdam ki ghaḌi sair-e-gulistan men kaTi
Leave a Reply