Hatim Ali Mehr
buton ka samna hai aur main huun
khuda ka aasra hai aur main huun
yahan aa kar karen kya yas-o-umid
dil-e-be-muddaa hai aur main huun
mila jo khaak men qadmon se chhut ke
vo tera naqsh-e-pa hai aur main huun
khuda jaane buto hota hai kya haal
yahi gar dil mira hai aur main huun
zara aane to de roz-e-qayamat
sanam tu hai khuda hai aur main huun
sitam hai zulm hai un ki taraf se
mohabbat hai vafa hai aur main huun
pasand ai ‘mehr’ hai ye qaul-e-ustad
sanam kucha tira hai aur main huun
Leave a Reply