Shagufta Shafiq
bas vahi log dil ko bhate hain
jo ki chain-o-sukun churate hain
mushkilon men bhi muskurate hain
ham na aansu kabhi bahate hain
un se apne bahut se naate hain
aaj jo ungliyan uThate hain
vo bhi chalte hain mere raste par
jo ki baten baḌi banate hain
yaad aati hai un ki chupke se
aankh men taare jhilmilate hain
ye hi apni aziim ḳhubi hai
qaul ko apne ham nibhate hain
milne aate hain vo ‘shagufta’ se
haan magar kaam hi se aate hain
Leave a Reply