Ashu Mishra
baiThna sahil pe dariya ki ravani dekhna
aur ḳhali vaqt men filmen purani dekhna
dekhna chaho udasi men shajar Duube hue
tum parindon ki kabhi naql-e-makani dekhna
intiha.i sukh kihin ankhon men mere ḳhvab hon
intiha.i dukh unhin ankhon men paani dekhna
roz so jaana falak ki vus.aton ko oḌh kar
roz ḳhvabon men zamin ki be-karani dekhna
tai hua hai aa.ega vo milne aadhi raat ko
niim shab men aap nur-e-kahkashani dekhna
Leave a Reply