Baghmati Ke Pas Hi Koi Eraut Ganw Hai

bāġhmatī ke paas hī koī eraut gaañv hai

janm mirā vahīñ huā vo hī to ek Thāñv hai

date thī chaar march aur saal thā vo chhiyāsī kā

paak sī is zamīn par maiñ ne rakhā jo paañv hai

log vahāñ pe aise haiñ jaise nadī kā niir ho

log kuchh aise bhī haiñ jo baat karo to daañv hai

gaañv meñ kuchh daraḳht haiñ aur udaas aurteñ

vo jo udaas aurteñ haiñ vo hī asl chhāñv hai

gaañv ke ek chhor par laash mirī hai jal rahī

paas hī ek peḌ par kaag kī kaañv kaañv hai

Leave a Comment