baḌi mushkil se ki thi yaar himmat tujh ko khone ki
bata kya shart hai teri zara nazdik hone ki
chale aate hain tere gaanv jab ye dil taḌapta hai
zarurat hi nahin paḌti hai mujh ko rone-dhone ki
ḳhushi se sar jhuka leta huun jab ye yaad aata hai
miri maan ne nasihat ki thi mujh ko miTTi hone ki
koi bechaini lahaq hai ki ankhen band bhi kar luun
dava.i leni paḌti hai mujhe kuchh der sone ki
tumhare baad is dil men nahin aaya koi bhi shaḳhs
nahin himmat bachi ‘kamil’ aziyyat aur Dhone ki
Leave a Reply