baDhti Jati Hai Pyas Aankhon Ki

baḌhtī jaatī hai pyaas āñkhoñ kī

baat samjho udaas āñkhoñ kī

ik ishārā hai mast nazroñ kā

ik nishānī hai ḳhaas āñkhoñ kī

tere chhāle mujhe batāte haiñ

tū ne chakh lī miThās āñkhoñ kī

sab ko har vaqt ghūrtī haiñ ye

koī to le class āñkhoñ kī

ashk-rezī maiñ kartā rahtā huuñ

taaki nikle bhaḌās āñkhoñ kī

tum zarā us taraf nigāh karo

lau sambhālegā daas āñkhoñ kī

maañ kī bīnā.ī bujh ga.ī lekin

TūTtī kab hai aas āñkhoñ kī

Leave a Comment