Ali Qaisar
baḌhti jaati hai pyaas ankhon ki
baat samjho udaas ankhon ki
ik ishara hai mast nazron ka
ik nishani hai ḳhaas ankhon ki
tere chhale mujhe batate hain
tu ne chakh li miThas ankhon ki
sab ko har vaqt ghurti hain ye
koi to le class ankhon ki
ashk-rezi main karta rahta huun
taaki nikle bhaḌas ankhon ki
tum zara us taraf nigah karo
lau sambhalega daas ankhon ki
maan ki bina.i bujh ga.i lekin
TuTti kab hai aas ankhon ki
Leave a Reply