baat sach-much men nirali ho ga.i
ab nasihat ek gaali ho ga.i
ye asar ham par hua is daur ka
bhavna dil ki mavali ho ga.i
Daal diin bhuke ko jis men roTiyan
vo samajh puuja ki thali ho ga.i
tai kiya chalna juda jab bhiiḌ se
har nazar dekha savali ho ga.i
qaid ka itna maza mat lijiye
ro paḌenge gar bahali ho ga.i
ik amavas hi to thi apni hayat
mil ga.e tum to divali ho ga.i
haath men qatil ke ‘niraj’ phuul hai
baat ab ghabrane vaali ho ga.i
Leave a Reply