Afroz Alam
attar ke maskan men ye kaisi udasi hai
sone ki muqabil men har samt hi mitti hai
tu sahab-e-qudrat hai tu apna karam rakhna
sahra ki taraf maail halat ki kashti hai
raushan hai darakhshan hai ye daur ba-zahir to
mazdur ke bas men to bas riidh ki haddi hai
lamhon ki taaqub men sadiyon ki dharohar thi
afsos ke daman men ghurbat ki ye basti hai
vo sahab-e-masnad hain is se unhen kya matlab
jazbon ke darichon se jaari koi naddi hai
har khvab shikasta hai taamir-e-nasheman ka
har sub.h ke mathe par bazar ki garmi hai
kuchh aur masail se uljhega abhi ‘alam’
har sahib-e-alam pe chhai abhi masti hai
Leave a Reply