Abbas Tabish
ajiib taur ki hai ab ke sargirani miri
main tujh ko yaad bhi kar luun to mehrbani miri
main apne aap men gahra utar gaya shayad
mire safar se alag ho gai ravani miri
bas ek mod miri zindagi men aaya tha
phir is ke baad ulajhti gai kahani miri
tabah ho ke bhi rahta hai dil ko dhadka sa
ki raegan na chali jaae raegani miri
main apne baad bahut yaad aaya karta huun
tum apne paas na rakhna koi nishani miri
Leave a Reply