Ai Shab-E-Hijr Ab Mujhe Subh-E-Visal Chahiye

ai shab-e-hijr ab mujhe subh-e-visal chahiye

taaza ghazal ke vaste taaza khayal chahiye

ai mire chara-gar tire bas men nahin moamla

surat-e-hal ke liye vaqif-e-hal chahiye

ahl-e-khirad ko aaj bhi apne yaqin ke liye

jis ki misal hi nahin us ki misal chahiye

us ki rafaqaton ka hijr jheliye kab talak ‘salim’

apni tarah se ab mujhe vo bhi niDhal chahiye

Leave a Comment