ai dil-e-zar kahin niind na ho taari
chashm-e-darvesh bhi ḳhvabon se nahin aari
jism ka dasht bhi sunsan hai barson se
mulk-e-dil par bhi nahin ruuh ki sardari
chand se kam na thi ham hijr ke maron ko
us shab-e-tar men mauhum si chingari
yak-ba-yak kaun miri fikr men dar aaya
nahr-e-ḳhushbu si bayaban men hui jaari
raakh ke Dher men sho.ala hai koi raqsan
mere andar hai abhi tak koi inkari
zulf-e-pechan tiri zanjir banegi kab
kab amal men miri aa.egi giraftari
Leave a Reply