Sufi
agle padav par yunhi khema lagaoge
jitni bhi hai safar ki thakan bhuul jaoge
bahar hava-e-tez lagae hue hai ghaat
ghar se jo nikle ab ki palat kar na aaoge
har shakhs apne aap men masruf hai yahan
kis ko fasana-e-dil-e-muztar sunaoge
tabinda-khvab dekh kar ankhen khulengi jab
zulmat ke baghair yahan kuchh na paoge
ik dusre se ho ke alag khush rahega kaun
tadpenge ham bhi khud bhi tum aansu bahaoge
ja to rahe ho jins-e-vafa ki talash men
saath apne yasiyat ke siva kuchh na laoge
girdab samne hai mukhalif havaen hain
kashti ko kaise janib-e-sahil ghumaoge
jis ko khulus samjhe hue the vo kya hua
kitna yaqin tha tumhen dhoka na khaoge
parbat hain barf-posh qadam dekh-bhal kar
‘abid’ phisal gae to sambhalne na paoge
Leave a Reply