atish-fishan zaban hi nahin thi badan bhi tha
dariya jo munjamid hai kabhi maujzan bhi tha
main apni ḳhvahishon se vafadar tha so huun
gham varna dil-ḳharash bhi ḳhvahish-shikan bhi tha
kaale ḳhamosh paani ko ehsas tak nahin
chehre pe marne vaale ke ik bankpan bhi tha
kis tarah mahr o maah ko karte alag ‘fuzail’
sho.ala-nafas jo tha vahi gul-pairahan bhi tha
Leave a Reply