aata hai tegh haath men vo jang-ju liye
jaata huun main bhi sar ke taiin ru-ba-ru liye
gulzar yak-ba-yak jo mahakne laga hai yuun
sach kah saba tu phirti hai yaan kis ki bu liye
soe kabhi na saath hamare khushi se tum
javenge gor men yahi ham aarzu liye
deta nahin hai chain ilahi main kya karun
phirta huun rat-din dil-e-betab ku liye
‘asif’ na chhod dast-e-sakhavat ko zinhar
laaya hai kuchh na saath na javega tu liye
Leave a Reply