Sabir Abuhari
ashiyane ki jab bhi yaad aa.i
ek bijli si dil men lahra.i
yuun bhi dekha gaya hai mahfil men
vo tamasha the ham tamasha.i
tere anchal ka jis pe saaya ho
us gada par nisar dara.i
ham ne daman hi ja liya un ka
log karte rahe jabin-sa.i
mah-o-anjum men lala-o-gul men
ham ko teri jhalak nazar aa.i
dost aa.e the mujh ko samjha ne
haal dekha to aankh bhar aa.i
chha ga.iin mastiyan fazaon men
tere daman ki jab hava aa.i
jo mohabbat men miT gaya ‘sabir’
us ne mar kar bhi zindagi paa.i
Leave a Reply