Bismil Allahabadi
na rahe tum jo hamare to sahara na raha
koi duniya-e-mohabbat men hamara na raha
ab koi aur zamane men sahara na raha
jis ko kahte the hamara hai hamara na raha
de diya hazrat-e-isa ne use saaf javab
tere bimar ka ab koi sahara na raha
kya kahen haal zamane ka ḳhulasa ye hai
tum hamare na rahe koi hamara na raha
kya kahun anjuman-e-naz ka haal ai ‘bismil’
sab ke charche rahe bas zikr tumhara na raha
Leave a Reply